Aqtóbede koronavırýstan saýyqqandar ońaltý ortalyqtarynda em qabyldaýda
AQTÓBE. QazAqparat – Koronavırýs ınfektsııasynan jazylǵan 1 myńnan astam aqtóbelik densaýlyǵyn nyǵaıtý maqsatynda ońaltý ortalyqtarynda em qabyldady, dep habarlaıdy QazAqparat tilshisi.
Aqtóbe oblysy boıynsha koronavırýs ınfektsııasyna shaldyǵyp, jazylǵan adamdar arasynda vırýsty qaıta juqtyrý deregi tirkelmedi.
«Barlyq emhanada, Aqtóbe medıtsına ortalyǵy men «Darý» ońaltý ortalyǵynda 1447 adam ońaltýdan ótti. Qazir em jalǵasyp jatyr. Ár emhanada kúndizgi statsıonar bar», - dedi Aqtóbe oblystyq densaýlyq saqtaý basqarmasynyń basshysy Rústem Isaev.
Aıta keteıik, Aqtóbede vırýs juqtyrǵan 3741 adamnyń 95 paıyzdan astamy jazyldy.
Aqtóbe oblysynyń bas dárigeri qazirgi kezde balalar arasynda ishek ınfektsııasynyń kóbeıgenin aıtty.
«Osy aptada oblystyq klınıkalyq aýrýhanaǵa 79 bala jetkizildi. Onyń ishinde 17 balanyń jasy birge tolmaǵan. Negizi aýrý belgisi – ish ótý, temperatýra. Ata-anasymen sóılesý kezinde olardyń jemis-jıdekti kóp jegeni belgili boldy. Bárinen KVI synamasy alyndy. Eshqaısynan aýrý belgisi anyqtalǵan joq. Bir otbasynan birneshe bala aýyrmady. Munda eń bastysy - tazalyq saqtaý», - dedi Rústem Isaev.
