Aqtóbede koronavırýspen kúreste kóz jumǵan bas dárigerdiń sýreti úı qabyrǵasyna salyndy
AQTÓBE. QazAqparat – Aqtóbeniń Hromtaý aýdanynda Qazaqstannyń Eńbek Eri Qalıhan Qozbaǵarovtyń sýreti salyndy, dep habarlaıdy QazAqparat tilshisi.
Aqtóbede ınfektsııalyq aýrýhananyń bas dárigeri Qalıhan Qozbaǵarov shilde aıynda kóz jumǵan bolatyn. Áriptesteri ony aqtyq saparǵa shyǵaryp saldy.
Prezıdent Qasym - Jomart Toqaevtyń Jarlyǵymen marqum Qalıhan Qozbaǵarovqa Qazaqstannyń Eńbek Eri ataǵy berildi.
Al týǵan jeri Hromtaý aýdanynda kópqabatty úıdiń qabyrǵasyna sýreti salyndy.
«Álemdi ábigerge salǵan indetpen kúreste aldyńǵy shepte bolyp, mamandyǵyna degen adaldyǵy men antyna berik jerlesimiz Qalıhan Esbosynulyna hromtaýlyqtar qurmet kórsete bildi. «Erin ardaqtaǵan el ozar» demekshi, eldi dúrliktirgen dertti aýyzdyqtaý jolynda aıanbaı eńbek etken, adamdyǵy men azamattyǵyn aınalasyna kórsete bilgen Qalıhan Esbosynulynyń sýreti qala ortalyǵyndaǵy kóp qabatty úıdiń qabyrǵasyna salynyp, asyldyń synyǵy jerlesteriniń sanasynda saqtalyp, eńbegi kópke úlgi bolyp turatyn boldy», - dep jazdy aýdan ákimdigi áleýmettik paraqshada.
