Aqtóbede koronavırýs juqtyrǵan naýqasqa ota jasaldy
AQTÓBE. QazAqparat – Aqtóbede koronavırýs juqtyrǵan 2 adamnyń jaǵdaıy aýyr. Onyń bireýine ota jasaldy, dep habarlaıdy QazAqparat tilshisi.
«Іndetke shaldyqqan bir naýqastyń júrek yrǵaǵy kúrt buzylyp, qosymsha em qabyldaýǵa týra keldi. Júregine ota jasalyp, jasandy rıtm júrgizildi. Naýqastyń jaǵdaıy turaqty aýyr. Arıtmolog, kardıoreanımatologtar taǵaıyndaǵan em qosymsha júrgizilip jatyr. Taǵy bir nasqas buryn qant dıabeti, tynys alý jetispeýshiligine shaldyqqan. Keshendi em nátıjesinde ekeýiniń jaǵdaıy turaqtandy. Taǵy ekeýiniń hali - ortasha aýyr, ózgesiniń densaýlyǵy birqalypty», - dedi oblystyq densaýlyq saqtaý basqarmasynyń basshysy Áset Qalıev.
Aıta keteıik, provızorlyq, ınfektsııalyq, karantındik gospıtalde 758 adam oqshaýlanyp, em alyp jatyr.
