Aqtóbede koronavırýs juqtyrǵan 164 adam statsıonarda jatyr
AQTÓBE. QazAqparat - Aqtóbede bir táýlikte 19 adamnan koronavırýs ınfektsııasy anyqtaldy. Epıdemıologtyń aıtýynsha, ótken aptada ósim baıqaldy, dep habarlaıdy QazAqparat tilshisi.
Bir táýlikte óńirde 19 jaǵdaı tirkeldi. Onyń 13-i sımptomdy. Aýyryp, em izdegender Aqtóbe qalasy men Qobda aýdanynyń turǵyndary.
«Búginge deıin oblysta 11681 jaǵdaı tirkelse, onyń 96 paıyzy jazylyp shyqty. Qazirgi tańda úı karantınine 1124 adam bar. Maýsym aıynyń 7-13 kúnderi aralyǵynda 114 jaǵdaı tirkelse, 14-20 kúnderi 131 jaǵdaı anyqtaldy. Demek ósim bar. Sondyqtan saqtyqty umytpaǵan jón»,- dedi oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaev.
Óńirde monıtorıngtik toptar baqylaýdy jalǵastyrdy. Monıtorıngtik toptardan jáne jergilikti polıtsııa qyzmetinen túsken materıaldarǵa sáıkes 434 aıyppshul salyndy. Aıyppul kólemi 54 mln teńgeden asty. Áli de toı men otbasylyq is-sharalardy ótkizýge tyıym salynǵan.
«Qazir ınfektsııalyq statsıonarlarda 164 adam em alyp jatyr. Onyń 121-i qalada. Barlyǵy 12 naýqas jansaqtaý bóliminde bolsa, bireýi jasandy jeldetý apparatyna qosylǵan»,- dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.
