Aqtóbede koronavırýs týraly jalǵan aqparat taratqan adam ustaldy
AQTÓBE. QazAqparat - Aqtóbedegi Qarǵaly aýdandyq polıtsııa bólimi jalǵan aqparat taratqan Badamsha aýylynyń turǵynyn ustady, dep habarlaıdy QazAqparat tilshisi.
WhatsApp jáne ózge de messendjer arqyly jalǵan aqparat taratqan Badamsha aýylynyń 34 jastaǵy turǵyny bolyp shyqty.
«Er adam tańerteń turǵan kezde aýla ishinde arnaıy kıim kıip, dezınfektsııa jasap júrgen adamdardy kórgen. Sóıtip balalardyń oıyn alańyndaǵy zalalsyzdandyrý jumystaryn vıdeoǵa túsirip, týystaryna «Badamsha aýylynda koronavırýs anyqtaldy» dep jazyp jibergen. Kúdiktiniń kim ekeni anyqtaldy, ol kinásin moıyndady, ókinetinin aıtty. Qazir ákimshilik jaýapkershilikke tartý máselesi qaralyp jatyr», - dep habarlady oblystyq PD baspasóz qyzmetiniń jetkshisi Erbolat Sarqulov.
Polıtsııa kún saıyn áleýmettik jelige monıtorıng júrgizedi. Sondyqtan kez kelgen aqparatty taratpas buryn aldymen onyń ras, ótirigin ajyratyp, anyqtaýdy eske saldy.
