Aqtóbede koronavırýs anyqtalǵan jeti naýqastyń altaýy Reseıden kelgen
NUR-SULTAN. QazAqparat - Memlekettik komıssııanyń shuǵyl shtaby Aqtóbe oblysynda koronavırýs ınfektsııasyn juqtyrǵan 7 adam týraly tolyq málimet berdi, dep habarlaıdy QazAqparat.
Olardyń úsheýi 42 jastaǵy áıel adam jáne 39, 37 jastaǵy er azamattar — Aqtóbe oblysynyń turǵyndary. Karantındik statsıonarǵa jatqyzylǵan. Olardyń bári 22 sáýir kúni «Jaısań» sanıtarlyq-karantındik beketi arqyly RF Máskeý qalasynan kelgen.
Atyraý qalasynan avtokólikpen kelgen 36 jastaǵy áıel adam karantındik statsıonarǵa jatqyzyldy.
Sondaı-aq, 45, 37 jáne 36 jastaǵy er adamdar Orynbor qalasy arqyly Reseıden kelgen. Olar — Túrkistan oblysynyń azamattary.
«Jaısań» sanıtarlyq-karantındik beketinde olarmen saýalnama júrgizilip, baılanyssyz termometrııa jasaldy.
PTR dıagnostıkalyq zertteý qorytyndysy COVID-19 dıagnozyn naqtylady.
Qazirgi tańda olar oblystyq juqpaly aýrýlar aýrýhanasyna ornalastyryldy. Jaǵdaılary qanaǵattanarlyq.
Azamattarmen qarym-qatynasta bolǵan adamdar anyqtalyp, barlyǵy medıtsınalyq baqylaýǵa alyndy.
Aýrý oshaqtarynda epıdemıologııalyq zertteý, dezınfektsııalyq jumystar júrgizildi.
23 sáýirdegi jaǵdaı boıynsha oblysta COVID-19 koronavırýs ınfektsııasyn juqtyrǵan 34 adam anyqtaldy.
