Aqtóbede Koreıa tehnologııasy boıynsha medıtsınalyq klaster qurylady
AQTÓBE. QazAqparat - Oblys ákimi Berdibek Saparbaev Ońtústik Koreıanyń iskerlik jáne mádenı ortalyǵy Seýl qalasynda Ense ýnıversıtetiniń prezıdenti Kım Eng Hak myrzamen kezdesti dep jazady «Aqtóbe» gazeti.
1885 jyly negizi qalanǵan bedeldi bul oqý orny eldegi úzdik úshtikke engen.
Taraptar Koreıa Respýblıkasynyń jetekshi medıtsınalyq jáne ǵylymı ortalyqtarymen tıimdi seriktestik baılanys ornatý jáne damytý múmkindikterin, sonyń ishinde birlesken ǵylym jáne tájirıbedegi densaýlyq saqtaý baǵdarlamalaryn ázirleý joldaryn talqylady.
Berdibek Saparbaev QR Prezıdenti Nursultan Nazarbaevtyń tapsyrmasymen óńirde ana men bala ólimin eki ese azaıtyp, turǵyndar ómirin 72 jasqa deıin joǵarylatý boıynsha sharalar qolǵa alynyp jatqanyn jetkizdi. Aqtóbe oblysynda perınataldy ortalyq pen kópsalaly aýrýhanalar janynda 15 bosaný bólimsheleri jumys isteıdi. Oblys boıynsha jylyna 20 myń sábı dúnıege keledi. Sońǵy on jylda bala týý sany 23 paıyzǵa artty.
2008 jyly zamanaýı perınataldy tehnologııalardy engizý arqyly sońǵy bes jyl boıynsha ana ólimi kórsetkishin alty esege, bala ólimin 33%-ǵa azaıtý múmkin boldy.
«Ana men bala densaýlyǵyn saqtaý sekildi aspektiler boıynsha jaǵdaıdy jaqsartý úshin rezerv bar.Bıyl Koreıa respýblıkasynan alǵan tájirıbeni tolyqtaı júzege asyramyz dep senemiz. Sizdiń eldiń densaýlyq saqtaý salasyndaǵy reformalar ana men bala ólimin azaıtýǵa jáne tek Azııa óńirinde emes, búkil álem boıynsha kóshbasshy pozıtsııada kórinýlerińizge yqpal etti», - dep atap ótti oblys basshysy kezdesý barysynda.
Kópshilik moıyndaǵandaı, Ońtústik Koreıadaǵy densaýlyq saqtaý salasy - ınformatıka men bıotehnologııadaǵy sońǵy jetistikterdi qoldanyp otyrǵan medıtsınalyq qyzmetterdiń eń joǵarǵy deńgeıi. Emhanalary aldyńǵy qatarly jabdyqtar jáne zamanaýı tehnıkamen qamtamasyz etilgen, bul óz kezeginde medıtsınalyq qyzmetterdiń álemdik standartqa saı bolýyna yqpal etedi. Aýrýhanalardy akkredıtatsııalaý jáne qatań baǵalaý arqyly Úkimet tarapynan baqylanyp otyratyn Koreıadaǵy medıtsınalyq qyzmettiń sapasyna kúmán keltirýge bolmaıy. Koreıa mamandary halyqaralyq medıtsınalyq qaýymdastyqta joǵary baǵalanady.
Kezdesý barysynda birlese otyryp densaýlyq saqtaý salasynyń ókilderine sheberlik dáristeri men semınarlar ótkizip, dárigerler men medbıkelerdi densaýlyq saqtaý salasyndaǵy ózekti máseleler boıynsha oqytý týraly kelisimge qol jetkizildi.
«Koreıanyń jetekshi medtsınalyq jáne ǵylymı ortalyqtarymen tıimdi seriktestik baılanystar ornatý jáne damytý arqyly densaýlyq saqtaý salasynda yntymaqtastyqta ǵylymı jáne tájirıbelik baǵdarlamalar ázirleýge bolady. Halyqaralyq standarttarǵa saı birlesip sheberlik dáristeri men semınarlar ótkizý, dárigerler men medbıkelerdi densaýlyq saqtaý salasynyń ózekti máseleleri boıynsha oqytý eki eldiń iskerlik jáne gýmanıtarlyq baılanystaryn damytýǵa septigin tıgizedi»,- dedi óńir basshysy.
