16:49, 20 Jeltoqsan 2022 | GMT +6
Aqtóbede qorap ishinen jańa týǵan náresteniń denesi tabyldy
AQTÓBE. QazAqparat – Aqtóbede qorap ishinen jańa týǵan náresteniń denesi tabyldy, dep habarlaıdy QazAqparat polisia.kz telegram kanalyna silteme jasap.
19 jeltoqsan kúni saǵat 22:05-te polıtsııaǵa Ǵ. Jubanova kóshesindegi kópqabatty úıdiń janynan qaǵaz qorapqa salynǵan balanyń denesi tabylǵany týraly habarlanǵan.
Oqıǵa ornyna jedel-tergeý toby jiberilip, jańa týǵan er balanyń máıitin anyqtady.
QR QK-niń 100-baby «Ananyń jańa týǵan balany óltirýi» boıynsha sotqa deıingi tergeý bastaldy. Sot-medıtsınalyq saraptama taǵaıyndaldy. Anasynyń jeke basy ázirge anyqtalmady.
