Aqtóbede qoradan órt shyǵyp, shamamen 100 bas iri qara janyp ketti

AQTÓBE. QazAqparat – Aqtóbede qoradan órt shyǵyp, shamamen 100 bas iri qara janyp ketti, dep habarlaıdy QazAqparat tilshisi.

Aqtóbe oblysy Muǵaljar aýdany Kóldeneń Temir aýylyndaǵy sharýashylyqta qora órtendi. Onda 100 bas mal janyp ketti.

Búgin 101 baılanys nómirine Muǵaljar aýdany Kóldeneń Temir aýylyndaǵy «Shoman» sharýa qojalyǵyndaǵy qoradan órt shyqqany týraly habarlama tústi.

Oqıǵa ornyna aýdandyq órt sóndirý bóliminen órt sóndirýshiler jiberildi.

«Órt aýdany 600 sharshy metrdi quraıdy. Sharýashylyq ıesiniń aıtýynsha, shamamen 100 bas iri qara jáne birneshe tehnıka (traktor, mototsıkl) janyp ketken. Qazir órttiń shyǵý sebebi anyqtalyp jatyr», - dep habarlady oblystyq TJD baspasóz qyzmeti.