Aqtóbede kópshilik jınalatyn sharalardy ótkizýge tyıym salyndy

AQTÓBE. QazAqparat - Aqtóbede konferentsııalar, semınarlar ótkizýge, túngi klýbtar qyzmetine tyıym salyndy. Bul týraly jańa jarııalanǵan jańa qaýlyda aıtylǵan, dep habarlaıdy QazAqparat tilshisi.

«Ashyq» jobasyna qaramastan konferentsııa, semınar, kórme, forým ótpeıdi. Sonymen birge kontsert zaldary, teatr, fılarmonııa qyzmetine tyıym salyndy. Túngi klýbtar jumys istemeıdi. Dinı birlestik obektilerinde (meshit, shirkeý t.b.) ujymdyq is-sharalar (juma namaz, dinı joralar jáne t.b.) ótkizýge bolmaıdy. Jeke kezdesýler ótkizýge de tyıym salynady. Ashyq aýada jáne úı- jaılardyń ishinde otbasylyq, eske alý, saltanatty basqosý ótkizýge bolmaıdy.

Qaýly mátinine sáıkes, «Ashyq» jobasyna qatysýshy obektiler saǵat 00.00-ge deıin, «Ashyq» jobasynyń kóshbasshylary saǵat 02.00-ge deıin jumys isteı alady. Senbi jáne jeksenbi kúnderi qyzmetkerler men kelýshilerde «jasyl» mártebe bolǵan jaǵdaıda obektilerdiń jumys isteýine ruqsat.
Aıta keteıik, qoǵamdyq tamaqtaný ornynda bir ústel basynda tek tórt adam otyrýy tıis. Jattyǵý kezinde ulttyq qurama sapyndaǵy sportshylar sanyn 30-dan aspaýy kerek.

Qaýlynyń tolyq mátinin myna jerden oqýǵa bolady.