Aqtóbede kópqabatty úıdiń shatyry órtendi, 70 adam qaýipsiz jerge kóshirildi - QR TJM
ASTANA. 8 tamyz. QazAqparat - Aqtóbe qalasynda kópqabatty úıdiń shatyrynda bolǵan órt saldarynan 70 adam qaýipsiz jerge kóshirildi, dep habarlaıdy QR TJM-niń baspasóz qyzmetinen.
Seısenbi, 7 tamyz kúni Aqtóbede Sháıkenov kóshesi boıynsha ornalasqan 11-shi shaǵynaýdandaǵy 5 qabatty úıdiń shatyry órtene bastady. Órt aýmaǵy 800 sharshy metrdi qurady. 70 adam qaýipsiz jerge kóshirildi, olardyń 8-i - balalar. Qaza tapqandar men zardap shekkender joq.
Órtti sóndirýge QR TJM Aqtóbe oblysy boıynsha TJD órt sóndirý qyzmetiniń 50 adamy men 9 tehnıkasy, QR TJM «Aqtóbe qalalyq jedel qutqarý jasaǵy» MM 3 adamy men 1 tehnıkasy, QR TJM «Medıtsınalyq apattar ortalyǵynyń» 4 adamy men 1 tehnıka birligi jumyldyryldy.
