Aqtóbede kópqabatty úıdiń dálizinen 42 jastaǵy turǵynnyń denesi tabyldy
AQTÓBE. QazAqparat – Aqtóbede 42 jastaǵy turǵyn pyshaq jaraqatynan kóz jumdy. Polıtsııa kúdiktini anyqtap, qamady, dep habarlaıdy QazAqparat tilshisi.
Jedel járdem Aqtóbe qalalyq polıtsııa bólimine habarlasyp, kópqabatty úıdiń kireberisinde pyshaq jaraqatyn alǵan adamnyń jatqanyn aıtty.
Oqıǵa ornyna jedel tergeý toby jetip, 42 jastaǵy er adamnyń kóz jumǵanyn anyqtady.
Patrýldik polıtsııa qyzmetkerleri 32 jastaǵy er adamdy ustady.
Tergeý barysynda er adamdar ishimdik iship, janjal kezinde kúdiktiniń jábirlenýshige birneshe ret pyshaq salǵany belgili boldy.
«Sot-medıtsınalyq saraptama taǵaıyndaldy. Kúdikti Aqtóbe qalalyq ýaqytsha ustaý ızolıatoryna qamaýǵa alyndy. Qylmystyq kodekstiń «Adam óltirý» baby boıynsha sotqa deıingi tergeý bastaldy»,- dedi oblystyq PD baspasóz qyzmetiniń jetekshisi Erbolat Sarqulov.
