Aqtóbede kópqabatty úıden shyqqan órtke baılanysty komıssııa quryldy
AQTÓBE. QazAqparat - Aqtóbede kópqabatty úıden shyqqan órt sóndirildi. Qazir páter ıeleri anyqtalyp, órttiń shyǵý sebebi tekserilip jatyr, dep habarlaıdy QazAqparat tilshisi.
«Saǵat 15:10-da habarlama túsip, 10 mınýtta kólik jetti. Órt 20 mınýtta sóndirilip, qazir anyqtaý jumysy bastaldy. Órtten soń tútin shyǵyp jatyr. Biraq bári baqylaýda»,- dedi oblystyq TJD bastyǵynyń orynbasary Ernur Ótegenov.
Buǵan deıin habarlaǵanymyzdaı, órt bolǵan úıge oblys jáne qala basshylyǵy keldi.
«Oblys ákiminiń tapsyrmasymen arnaıy komıssııa quryldy. Órttiń shyǵý sebebi men zardap shekkender anyqtalady»,- dedi oblys ákiminiń orynbasary Serik Tólenbergenov.
Aıta keteıik, ázirge baspanasy órtenip ketken adamdardyń qaıda baratyny belgisiz. Olarǵa páterge kirýge ruqsat berildi.
