Aqtóbede kópqabatty úıden órt shyqty
AQTÓBE. QazAqparat – Aqtóbede kópqabatty úıdiń balkonynan órt shyǵyp, ondaǵan adam evakýatsııalandy, dep habarlaıdy QazAqparat tilshisi.
Búgin saǵat 12:20-da tótenshe jaǵdaılar qyzmetine habarlama tústi.
Habarlamada Aqtóbe qalasy, aǵaıyndy Jubanovtar kóshesindegi kópqabatty úıdegi balkonnan órt shyqqany týraly aıtyldy.
«Órt jetinshi qabattaǵy páterde tirkeldi. 85 adam qutqaryldy. Onyń ishinde 25-i bala. 70 adam evakýatsııalandy. Bir turǵyn gazdan ýlaný qaýpimen Apattar medıtsınasy ortalyǵy tekserýinen ótti», - dep habarlady oblystyq TJD baspasóz qyzmeti.
