Aqtóbede kópqabatty úıdegi páter órtenip, 10 adam evakýatsııalandy
AQTÓBE. QazAqparat - Aqtóbede kópqabatty úıde páter órtenip, arnaıy baspaldaq arqyly 10 adam evakýatsııalandy, dep habarlaıdy QazAqparat tilshisi.
Aqtóbe qalasy Kıselev kóshesindegi kópqabatty úıde páter órtendi. Oblystyq tótenshe jaǵdaılar departamentiniń kezekshi-dıspetcherlik bólimine saǵat 17:55-te habarlama túsip, oqıǵa ornyna 3 tehnıka men 12 adam jiberilgen.
« Órt saǵat 18:30-da sóndirildi. Páterde as úı jıhazy men turmystyq zattar janǵan. Órt kezinde 10 adam baspaldaq arqyly evakýatsııalandy. Onyń úsheýi bala. Qazirgi kezde órttiń shyǵý sebebi anyqtalyp jatyr. Oblystyq tótenshe jaǵdaılar departamenti órt qaýipsizdigi erejesin qatań saqtaýǵa shaqyrady » ,- dep habarlaıdy oblystyq tótenshe jaǵdaılar departamentiniń baspasóz qyzmeti.
