Aqtóbede kópqabatty úıde jarylys bolyp, bir adam qaza tapty
AQTÓBE. KAZINFORM - Aqtóbe qalasynda Abaı dańǵylyndaǵy kóp qabatty turǵyn úıde jarylys boldy . Bir adam qaza taýyp, birneshe adam evakýatsııalandy.
Oqıǵa búgin keshkilik boldy. Oblystyq TJD baspasóz qyzmetiniń habarlaýynsha, habarlama 112 bólimine tústi. Abaı dańǵyly boıynda ornalasqan bes qabatty turǵyn úıdiń 4-qabatynda áldene jaryldy. Saldarynan órt shyqqan.
- Oqıǵa ornyna dereý jetken oblystyq TJD qutqarýshylarynyń anyqtaýynsha, jarylys saldarynan shamamen 40 sharshy metr aýmaqta ashyq jalyn tutanǵan. Sondaı-aq, 3 jáne 4-qabat arasyndaǵy aralyq qurylymdardyń ishinara qulaǵany tirkeldi. Órt tolyǵymen sóndirildi. Órt sóndirýshilerdiń kúshimen 73 adam evakýatsııalanyp, 1 adam qutqaryldy. Aldyn ala málimet boıynsha, bir adam qaza tapty. Oqıǵa ornynda oblystyq tótenshe jaǵdaılar departamentiniń bastyǵy jumys júrgizip jatyr. Apattyq-qutqarý jumystary men úıindilerdi taldaý jalǵasyp jatyr. Oqıǵanyń sebepteri anyqtalady, - dep habarlady oblystyq TJD baspasóz qyzmeti.
Aıta keteıik, buǵan deıin Aqtóbede jasóspirimdi avtobýs qaǵyp ketkeni habarlandy.