Aqtóbede kópqabatty turǵyn úılerdiń 16% jýyǵy kúrdeli jóndeýdi qajet etedi
AQTÓBE. KAZINFORM — Óńirde 2 782 kópqabatty úı bolsa, onyń 440-y eskirdi. Bıyl kúrdeli jóndeý jumystaryna 670 mln teńgeden astam qarjy jumsalady.
Aqtóbe oblysynda kópqabatty turǵyn úılerdi jóndeý jumystaryna nesıe beriledi. Bıýdjetten bólinetin qarjynyń operatory — «Aqtóbe» áleýmettik-kásipkerlik korportsııasy, ıaǵnı turǵyndar jınalysta sheshim qabyldap, ortaq múlikti jóndeý jospary qurylady.
— 2024–2025 jyldary kóppáterli turǵyn úılerdi kúrdeli jóndeýge arnalǵan 72 jobany iske asyrýǵa 5,7 mlrd teńge bólindi. Onyń 1,4 mlrd teńgesi respýblıkalyq, qalǵan 4,3 mlrd teńge oblystyq bıýdjet qarjysy. Barlyǵy 50 kóppáterli turǵyn úı jóndelip, 36 lıftti jańartýy tıis boldy. Búgingi tańda 38 joba iske asyryldy, ıaǵnı 24 kóppáterli turǵyn úı jóndelip, 25 lıft jańardy. Ózgesinde qurylys-montaj jumystary jalǵasyp jatyr. Bıyl oblystyq bıýdjet qarjysy esebinen kóppáterli turǵyn úılerdi kúrdeli jóndeýge 676,7 mln teńge qarastyryldy, ıaǵnı 5 joba qarjylandyrylady, — dep habarlady Aqtóbe oblystyq energetıka jáne turǵyn úı-kommýnaldyq sharýashylyq basqarmasy.
Eske salsaq, Aqtóbe prokýratýrasy qańyrap bos turǵan ǵımarattardy qorshaýdy mindettedi. Prokýrorlar tekserý kezinde barlyǵy 26 nysandy anyqtaǵan.
