Aqtóbede kópirden sekirmek bolǵan qyz qutqaryldy
AQTÓBE. QazAqparat – Aqtóbede polıtsııa qyzmetkerleri kópirden sekirmek bolǵan qyzdy qutqardy, dep habarlaıdy QazAqparat tilshisi.
Aqtóbe patrýldik-kúzet qyzmeti 11 shaǵyn aýdanyndaǵy kópirden sekirmek bolǵan 22 jastaǵy qyzdy qutqardy. Kezekti shaqyrtýdan kelgen patrýldik polıtsııa batalonynyń qyzmetkerleri Maqsat Mahın men Nurbek Kenjehanov 11 shaǵyn aýdany men Qurmysh aýdany arasyndaǵy kópirden qyzdyń sekirmek bolǵany týraly habarlama kelip túsken kezde, birden kómekke júgirdi.
«Oqıǵa ornyna kelgen polıtseıler kópir qorshaýynyń janynda turǵan qyzdy kórdi. Ózara áńgimelesý júrgizgen olar qyzdy ustap alyp, kópirden alyp tústi. Sodan keıin №2 qalalyq polıtsııa bólimine jetkizdi. Belgili bolǵandaı, qyz otbasylyq janjaldan soń óz-ózine qol jumsamaq bolǵan, - dedi oblystyq PD baspasóz qyzmetiniń jetekshisi Erbolat Sarqulov.
