Aqtóbede kópir mańynan tabylǵan balalardyń anasy kim ekeni anyqtaldy
AQTÓBE. QazAqparat - Aqtóbe qalasyndaǵy kópirden tabylǵan 1,5 jáne 2 jastaǵy balalardyń anasy Alǵa aýdanynyń týmasy bolyp shyqty. Polıtsııa qazir eki balanyń anasyn izdep jatyr, dep habarlaıdy QazAqparat tilshisi
Aqtóbe qalasynda 1,5 jáne 2 jastaǵy eki balanyń tabylǵany týraly buǵan deıin habarlaǵan bolatynbyz. Qazirgi ýaqytta eki bala «Úmit» sábıler úıinde jatyr. Dárigerler tekserip, densaýlyǵynan esh kinárat tappady. Birine Úmit, ekinshisine Medet dep laqap at qoıǵan. Shyn esimderin aıta almaıtyn ekeýi bala kútýshileriniń ózderine qoıǵan esimine eleńdep otyrady.
«Polıtsııa izdeý jumystaryn júrgizip, balalardyń anasynyń kim ekenin anyqtady. Ol Alǵa aýdanynyń týmasy. Jasy 20-da. Biraq anasy áli izdestirilip jatyr»,- dedi Aqtóbe oblystyq ІІD baspasóz jetekshisi Nurgúl Qonaqbaeva.
Aıta keteıik, eki bala Aqtóbe qalasyndaǵy Zarechnyı-1 eldimekeniniń kópir mańynan tabylǵan. Balalardy turǵyndar keziktirip, polıtsııa shaqyrdy. Keıin sol mańdaǵy baý-baqsha ujymdarynda turatyn adamdarǵa balalardyń sýreti kórsetilip, izdeý júrgizildi. Biraq nátıje bolmady. Balalardyń tabylǵanyna 2 apta ýaqyt ótti.
