Aqtóbede kópbalaly otbasylarǵa medıtsınalyq maska tegin taratylýda
AQTÓBE. QazAqparat – Aqtóbede tigin tsehy kópbalaly otbasylardy tegin maskamen qamtýǵa kóshti, dep habarlaıdy QazAqparat tilshisi.
Aqtóbedegi «Aǵıla» tigin tsehy 13 jyldan beri jeńil ónerkásipti damytyp otyr. Qazir munda biryńǵaı medıtsınalyq maska daıyndalyp jatyr.
«Men sheshim qabyldap, ózge tigin sheberhana ıelerin de ıgi isti jalǵastyrýǵa shaqyramyn. Biz qazir eki aýysymda jumys istep jatyrmyz. Maskany jýyp, útiktep, qaıta qoldanýǵa bolady. Birneshe qabatty maqta matadan tigilgen. Bizdiń negizgi mindet – neǵurlym kóp adamdy qamtyp, qaýipsizdikti saqtaý», - dedi kásipker Aǵıla Janǵazıeva.
Aıta keteıik, oblystyq dızaınerler men tiginshiler qaýymdastyǵy quramyndaǵy 35 tseh osy jumysty qolǵa alǵan bolatyn. Kóbi Aqtóbe qalasy men aýdandanynan ǵana emes, ózge aımaqtardyń tapsyrysyn oryndap jatyr.
«Kópbalaly otbasylarǵa tegin taratýǵa daıynbyz. Kez kelgen otbasy múshesi Aqtóbe qalasy, 101 atqyshtar brıgadasy boıyndaǵy atelege baryp, maska ala alady», - dedi ol.
