Aqtóbede kópbalaly otbasylar baspanaly boldy

AQTÓBE. QazAqparat - Aqtóbede páter kezeginde turǵan kópbalaly otbasylar baspanaly boldy, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Aqtóbe oblysynyń ákimi Ońdasyn Orazalın «Nur Aqtóbe» shaǵyn aýdanynda salynǵan 60 páterli jańa úıdiń kiltin tapsyrdy. Páter kópbalaly otbasylarǵa berildi. Bul úı «Nurly jer» memlekettik baǵdarlamasy aıasynda satyp alynyp, kópbalaly otbasy sanaty boıynsha baspana kezeginde turǵan jandarǵa berildi.

Aımaq basshysy
«Osy jyldyń ereksheligi kóp boldy. Álemdi jaılaǵan pandemııa kezinde Memleket basshysynyń syndarly saıasatynyń arqasynda oblysymyzda áleýmettik salaǵa arnalǵan jumys esh toqtaǵan joq. Áleýmettik nysandardy salý, qala jáne aýdan ortalyqtaryndaǵy kóshelerdi jóndeý, gaz, sý tartý, turǵyn úıge muqtaj jandardy baspanamen qamtamasyz etý baǵytyndaǵy josparlarymyz oryndalyp, kóptegen jumysymyz nátıjeli aıaqtalyp keledi. Jyldar boıy qordalanyp qalǵan máselelerdi bir kúnde sheshý múmkin emes. Degenmen aımaq turǵyndarynyń sabyrlylyǵy men aıanbaı eńbektenýiniń arqasynda osyndaı jetistikterge jetip otyrmyz. Biz aldaǵy ýaqytta da bastalǵan jumystardy jalǵastyryp, óz tarapymyzdan kópbalaly otbasylar men áleýmettik az qamtylǵan jerlesterimizdi qoldaýdy júrgize beretin bolamyz«, - dedi oblys basshysy.
Atap óteıik, qazirgi tańda qalada 24 myńnan astam adam páter kezeginde tur.