Aqtóbede kópbalaly, muqtaj otbasylarǵa demeýshiler páter syılady
Aqtóbe qalasynda kópbalaly, muqtaj otbasylardyń aryz-shaǵymdary tyńdalyp, otbasynyń áleýmettik kartasy jasalyp jatyr. Búgin baspanaǵa asa muqtaj úsh otbasy demeýshilerdiń kómegimen baspaly boldy. Páterdiń biri ІІ top múgedegi Sholpan Ábetovaǵa berildi. Eki balasy bar ana 2013 jyly Aqtóbe qalasyna qonys aýdaryp, páter jaldap turady.
«Kúıeýim qaıtys bolyp, aýyldan qalaǵa kóshýge májbúr boldym. Ózim ІІ top múgedegimin, jumys istemeımin. Júıkem tozǵany sonshalyq, múgedek boldym. Eki balam da mektepke barady. Úlkeni 12 jasta, kishisi 5-te. Aı saıyn 20 myń teńge kommýnaldyq tólemin berip otyrmyn. Biraq esh jaǵdaı jasalmaǵan, las edi. Jańa páterge qol jetkizgende ómirge bir bala kelgendeı qýanyp turmyn», - dedi Sh.Ábetova.
Páter alǵandardyń biri Gúlparan Baıbosynova. Balalaryn jalǵyz ózi tárbıelep otyrǵan ana óz alǵysyn aıtty.
Búgin 6 balaly muǵalim de baspanaly boldy. Altyngúl Káribaeva 7-shi balasyn kútip otyr, qazir perzenthanada. Buǵan deıin páter jaldap turǵan otbasy búgin demeýshilerdiń kómegimen jańa páterdiń kiltin aldy. Demeýshilikti «Sparta ı Ko», «BI-M-72» jáne «TSG Construction» JShS jasady.
