Aqtóbede kommýnaldyq qyzmetter tarıfi tómendedi
Aqtóbe oblysynyń ákimdigi Tabıǵı monopolııalardy retteý komıtetiniń oblystyq departamentimen birge turǵyndar úshin kommýnaldyq qyzmetter tarıfin tómendetti. Naýryzda sý, jylý, elektr qýaty 10-20 paıyz arzandady. Bul tótenshe jaǵdaı kezinde qabyldanǵan sheshim.
«Bıýdjet esebinen qarjylandyrylatyn mekemelerde tarıf tómendedi. Máselen, qalany salqyn sýmen qamtamasyz etip otyrǵan «Aqbulaq» AQ-y, «Temirjolsý-Aqtóbe» JShS 20 paıyzǵa, Shalqar aýdanyndaǵy «Uly Borsyq» AQ-y tarıfti 50% túsirdi. Alǵa men Muǵaljar, Hromtaý, Temir aýdandaryndaǵy jylý mekemeleri 50 paıyzdyq jeńildik jasady. Keıbir aýdanda sýmen jabdyqtaýǵa turaqty memlekettik sýbsıdııa beriledi. Sondyqtan olarda bul tarıf tómendemedi. Budan ózge «Aktobeenergosnab» JShS-da baǵa 10% tómen. Kommýnaldyq qyzmet kórsetetin barlyq sýbektiler bereshegi bar abonementterge qyzmet kórsetýin toqtatpaıdy», - dep habarlady oblys ákiminiń baspasóz qyzmeti.
