Aqtóbede qomaqty aqsha salynǵan ıesiz sómke polıtseılerdi ábigerge saldy
AQTÓBE. QazAqparat - Aqtóbe qalalyq memlekettik kirister basqarmasynyń qyzmetkeri polıtsııaǵa ǵımaratta ıesiz sómkeniń qalǵanyn habarlaǵan. Memlekettik qyzmetkerler dereý evakýatsııalandy, dep habarlaıdy QazAqparat tilshisi.
Habarlamadan soń polıtsııa qyzmetkerleri jedel túrde oqıǵa ornyna shyqqan.
«Aqtóbe qalalyq PB jedel basqarý ortalyǵyna kúdikti zat tabylǵany týraly habarlandy. Memlekettik kirister basqarmasynyń qyzmetkeri ǵımarattan qara sómkeniń ıesiz qalǵanyn aıtty. Polıtsııa men tótenshe jaǵdaılar qyzmeti dereý oqıǵa ornyna jetip, kelýshiler men qyzmetkerlerdi evakýatsııalady. Jaqyn mańdaǵy aýmaqty qorshaýǵa aldy. Tabylǵan zat tekserildi. Sómkede jeke zattar, qujattar jáne qomaq aqsha tabyldy. Biraz ýaqyttan keıin sómkeniń ıesi anyqtaldy, oǵan polıtsııa qyzmetkerleri sómkeni tapsyrdy»,- dedi oblystyq PD baspaóz qyzmetkeri E. Sarqulov.
