Aqtóbede kolonııaǵa tyıym salynǵan zattardy kirgizbek bolǵan turǵyn ustaldy

AQTÓBE. KAZINFORM — Aqtóbe oblysy boıynsha qylmystyq-atqarý júıesi departamentine qarasty № 70 mekeme qyzmetkerleri tekserý barysynda zańsyz áreketti áshkereledi, dep habarlaıdy Polisia.kz.

Mekemeniń jedel jáne rejım bólimderiniń qyzmetkerleri sálemdemege tekseris júrgizý kezinde jazǵy aıaq kıimniń tabanyna muqııat jasyrylǵan eki uıaly telefon, eki SIM-karta jáne eki USB-shnýrdy tapty. Belgili bolǵandaı, tyıym salynǵan zattardy mekemede qamaýda otyrǵan tanysyna jetkizbek bolǵan 29 jastaǵy qala turǵyny ustaldy.

Tekserý kezinde ol óz kinásin tolyq moıyndady. Oǵan qatysty QR Ákimshilik quqyq buzýshylyq týraly kodeksiniń 481-babynyń 1-bóligi boıynsha ákimshilik hattama toltyrylyp, is Aqtóbe qalasynyń mamandandyrylǵan ákimshilik sotyna joldandy.

— Qylmystyq-atqarý júıesi mekemelerine tyıym salynǵan zattardy ótkizýge áreket etý — zańmen qatań jazalanatyn quqyq buzýshylyq. Mundaı áreketterdiń aldyn alý baǵytyndaǵy jumystar turaqty túrde júrgiziledi, — dedi mekeme bastyǵy Mıras Hamzın.

Aıta keteıik, Aqtóbede buǵan deıin 14 jastaǵy ananyń ómirine jaýaptylar anyqtalady.