Aqtóbede kolledjderge bólingen grant baqylaýda bolady

AQTÓBE. QazAqparat - Aqtóbe oblysy boıynsha 28 kásiptik jáne tehnıkalyq bilim berý kolledjderine 4 myńǵa jýyq grant berildi. Arnaıy monıtorıngtik top bilimdi jastardyń oqýǵa túsýin baqylaıdy, dep habarlaıdy QazAqparat tilshisi. 

Memlekettik qyzmet isteri jáne sybaılas jemqorlyqqa qarsy is-qımyl agenttiginiń oblystyq departamenti arnaıy top quryp, kolledjderdegi emtıhandardy baqylady. Monıtorıngtiń top quramyna kásipkerler men qoǵam belsendileri, depýtattar endi. Top bilim granttarynyń ádil bólinýi men ótinishterdiń zańdy qaralýyn qadaǵalaıdy. 

«Búgin arnaıy top «Tarlan» kolledjinde boldy. Biz top quramyna kásipkerlermen qatar qarapaıym adamdardy engizip, orta arnaýly oqý oryndaryndaǵy emtıhannyń ádil ótýin qadaǵalaımyz. Memlekettik grant bilimdi jastarǵa berilýi tıis»,- dedi top jetekshisi Táttigúl Talaeva. 

Aıta keteıik, Aqtóbe oblysy boıynsha 28 tehnıkalyq jáne kásiptik kolledjderge 3981 grant berildi. Medıtsına, kólik jáne kommýnıkatsııa, aýyl sharýashalyǵy men tehnıkalyq mamandyqtaryna bólingen grant ıeleri qyrkúıekte belgili bolady.