Aqtóbede kolledj stýdentteri tóbelesip, bireýi pyshaq jaraqatyn aldy
AQTÓBE. QazAqparat - Aqtóbede stýdentter tóbelesip qaldy. Bul oqıǵaǵa baılanysty qylmystyq is qozǵaldy, dep habarlaıdy QazAqparat tilshisi.
Aqtóbede stýdentter tóbelesip qaldy. Oblystyq polıtsııa departamentiniń habarlaýynsha, qylmystyq is qozǵaldy.
«29 qańtar kúni oblystyq balalar aýrýhanasyna pyshaq jaraqatymen 2001 jyly týǵan jasóspirim tústi. Osy oqıǵa boıynsha 17 jastaǵy jasóspirim ustaldy. Oqıǵa keshe saǵat 14:00 shamasynda tirkeldi. Olar sózge kelip qalǵan. Qylmystyq kodekstiń «Densaýlyqqa qasaqana aýyr zııan keltirý» baby boıynsha is qozǵaldy», - dep habarlady oblystyq polıtsııa departamentiniń baspasóz qyzmeti.
Pyshaq jaraqatyn alǵan stýdent Aqtóbe gýmanıtarlyq kolledjinde oqıdy. Baıǵanın aýdanynyń týmasy.
«2-kýrs stýdenti matematıka páni boıynsha bilim alady. Alǵyr, olımpıadalarǵa qatysyp júr. Ol kıkiljińge keledi dep oılamaımyn. Bizge aǵasy habar berdi. Kolledj muǵalimderi aýrýhanaǵa bardy, jaǵdaıyn bildi. Oǵan ota jasalǵan», - dedi kolledj dırektorynyń orynbasary Bıbigúl Ekibasova.
