Aqtóbede kolledj stýdentinen tapansha tabyldy
AQTÓBE. QazAqparat – Aqtóbede «Stýdent» jedel aldyn alý sharasy ótip jatyr. Inspektorlar jataqhanada jatatyn stýdentten pnevmatıkalyq tapansha tárkiledi, dep habarlaıdy QazAqparat tilshisi.
Aqtóbe qalasyndaǵy kolledjderdiń birinde oqıtyn stýdent qarýmen júrgen. Qaladaǵy ıývenaldy polıtsııanyń kámeletke tolmaǵandardyń isi jónindegi ınspektory «Stýdent» aldyn alý sharasy kezinde jataqhanalardy tekserip, «WAITHER KALIBR 4,5» pnevmatıkalyq qarýyn tárkiledi.
«Tapansha tárkilenip, stýdent pen onyń ata-anasy Aqtóbe qalasy ákimi janyndaǵy kámeletke tolmaǵandardyń isi jónindegi komıssııaǵa shaqyryldy. Aldaǵy ýaqytta bala tárbıesine qatysty is qaralyp, sheshim shyǵarylady», - dep habarlady oblystyq PD baspasóz qyzmeti.
