Aqtóbede kólikti zańsyz ıemdenip, satpaq bolǵan qylmystyq top ustaldy
AQTÓBE. KAZINFORM — Shyǵyn 50 mln teńgeden asty. Qylmystyq top músheleri qazir ustalyp, qamaýda otyr.
Beıtanys adamdar kólikti Qostanaıdan Aqtóbege jetkizý qyzmetin atqaratynyn aıtyp, jalǵan qujatpen 3 jańa kólikti ıelenedi. Biraq kólik ıesine jetpedi. Keltirilgen shyǵynnyń jalpy kólemi 50 mıllıon teńgeden asty.
— Jedel-izdestirý sharasy nátıjesinde alaıaqtyqpen aınalysqan tórt kúdikti ustaldy. Olardyń barlyǵy Aqtóbe oblysynyń turǵyny. Ekeýi buryn birneshe ret qylmystyq jaýapqa tartylǵan. Tintý barysynda aıǵaq zattar tárkilendi. Urlanǵan avtokólikter zańdy ıesine qaıtaryldy. Qazirgi ýaqytta qylmystyń barlyq mán-jaıyn anyqtaýǵa baǵyttalǵan tergeý áreketteri júrgizilip jatyr, — dep habarlady oblystyq PD baspasóz qyzmeti.
Buǵan deıin habarlaǵanymyzdaı, alaıaqtardan qoryqqan aqtóbelik 22 mln teńgesinen aıyryldy. Aldanǵan áıel 2 bólmeli páterin satyp, nesıe de rásimdegen. Qazir kúdiktini izdeý jumysy júrip jatyr.
Bıyl óńirde 600-den astam ınternet alaıaqtyǵy tirkeldi, shyǵyn 1,4 mlrd teńge.