Aqtóbede kólik rýline otyratyn jasóspirimder kóbeıip ketti

AQTÓBE. KAZINFORM – Aqtóbede byltyr 168, bıyl 23 jasóspirim ata-anasynyń kóligin aıdap, polıtsııa ákimshilik is qozǵady.

Aqtóbede bıyl kámeletke tolmaǵandardyń qatysýymen 11 jol-kólik oqıǵasy tirkeldi. Onda 2 bala kóz jumyp, 11-i jaraqattandy. Oblystyq PD Jergilikti polıtsııa qyzmeti basqarmasynyń bastyǵy Aıdos Quljanovtyń aıtýynsha, byltyr 168 jasóspirim kólik aıdap, ustaldy. Bıyl da mundaı 23 derek anyqtaldy. 

— Aqtóbe oblysy Bilim basqarmasy, óńirdegi ata-analarmen jáne jasóspirimdermen kezdesip, problemany ashyq aıtyp otyrmyz. Sebebi ata-ana balasyna rýldi berip, zańdy buzýyn toqtatar emes. Máselen jyl basynda qala mektepteriniń biriniń joǵary synyp oqýshysy ata-anasynyń kóligin basqaryp, qorshaýǵa soqtyǵysqan. Mundaı jaǵdaı qaıǵyly aıaqtalýy múmkin. Keıde ata-ana avtokólik nemese mototsıkldiń kiltin balasy alyp ketkenin bilmeıdi. Mundaıda muqııat bolýdy eskertemiz. Júrgizýshi kýáligi joq jáne jol erejesin bilmeıtin balaǵa moped pen skýterlerdi basqarýǵa tyıym salý qajet, — dedi Oblystyq PD Jergilikti polıtsııa qyzmeti basqarmasynyń bastyǵy Aıdos Quljanov.