Aqtóbede kólik órtenip, 10 jastaǵy qyz bala janyp ketti
AQTÓBE. KAZINFORM - Aqtóbe oblysy Dóń aýylynda jeńil kólik ishindegi 10 jastaǵy qyz balamen qosa janyp ketti.
Aqtóbe oblystyq PD baspasóz qyzmetininiń jetekshisi Erbolat Sarqulovtyń habarlaýynsha, oqıǵa búgin boldy.
- Hromtaý aýdanynyń Dóń aýylynda aýlada turǵan VAZ avtokóligi órtendi. Bul oqıǵa kórshi úıde ornalasqan beınebaqylaý kameralarynyń jazbalarynda bar. Avtokóliktiń ishinde 10 jastaǵy qyz bala bolǵan. Ol qaıtys boldy. Oqıǵa kezinde ata-analary úıde bolǵan. Órttiń shyǵý sebebi anyqtalyp jatyr. Oqıǵa boıynsha sotqa deıingi tergep-tekserý bastaldy. Barlyq qajetti saraptamalar taǵaıyndaldy, - dep habarlady Erbolat Sarqulov.
Aıta keteıik, keshe Samara-Shymkent tasjolynyń Qobda aýdany Álııa aýyly mańynda júk kóligi men júk mashınasy soqtyǵysty. Oqıǵa saldarynan bes adam kóz jumdy.
Sondaı-aq, júk kóligi men avtobýs soqtyǵysyp, jedel járdem tórt adamdy qarap shyqty. Ekeýin aýrýhanaǵa jetkizdi.
