Aqtóbede kólik kópirden qulap ketti
AQTÓBE. KAZINFORM - Aqtóbede eki kólik soqtyǵysyp, bireýi kópirden qulap ketti. Eki adam aýrýhanaǵa tústi.
Búgin Aqtóbe-Astrahan tasjolynyń Alǵa qalasy mańynda «VAZ-2114» jáne «Taıota-Sıena» avtokólikteri soqtyǵysty. Saldarynan «VAZ-2114» avtokóligi kópirden qulap, júrgizýshisi men jolaýshysy ártúrli dene jaraqatymen medıtsınalyq mekemege jatqyzyldy.
- Jol-kólik oqıǵasy boıynsha sotqa deıingi tergep-tekserý bastaldy. Polıtsııa departamenti mundaı oqıǵalardyń aldyn alý úshin jol qozǵalysy erejelerin qatań saqtaý mańyzdy ekenin eske salady, - dedi oblystyq PD baspasóz qyzmetiniń jetekshisi Erbolat Sarqulov.
Jaralanǵan eki adam Alǵa aýdandyq aýrýhanasyna jetkizildi.
- 70 jastaǵy er adamnyń bas súıegine zaqym keldi, mıy shaıqaldy. Oń jaq buǵanasynyń jabyq synyǵy tirkeldi. Ony oblystyq kópsalaly aýrýhananyń travmatologııa bólimine jetkizdi. Sonymen birge 47 jastaǵy er adamnyń bas súıegi jaralanyp, mıy shaıqaldy. Alǵa aýdandyq aýrýhanasynyń hırýrgııa bólimine statsıonarǵa jatqyzyldy. Ol em qabyldaıdy, - dep habarlady oblystyq Densaýlyq saqtaý basqarmasynyń baspasóz qyzmeti.
Eske salsaq, Samara-Shymkent tasjolynda júk kóligimen qarsy baǵytqa shyǵyp, jeńil kólikke soqtyǵysqan júrgizýshi sottaldy. Jol apaty kezinde 8 adam qaza tapsa, onyń beseýi – bala.