Aqtóbede kólikter qaraqshysy polıtsııadan shyǵa salyp, taǵy urlyq jasady
AQTÓBE. QazAqparat - 4 mamyrǵa qaraǵan túni polıtsııa jasaǵy «Folksvagen-Passat» kóliginen avtomagnıtola men planshetti urlaǵan qalanyń 35 jastaǵy turǵynyn oqıǵa ornynda ustap aldy. Kúdikti er adam Zavodskoı polıtsııa bólimine jetkizilip, onda moıyndaý túsiniktemesin berdi. QR QK-niń 188-baby (Urlyq) boıynsha qylmystyq is qozǵaldy. Bapqa sáıkes, ustalǵan er adamǵa qatysty «Kelý týraly mindetteme» bultartpaý sharasy taǵaıyndalyp, ol úıine jiberildi.
Biraq «jazany izgilendirý» kútilgen oń áserin bere qoımady. Birneshe saǵattan keıin jol-patrýldik polıtsııa batalonynyń qyzmetkerleri bul er adamdy jańa urlyq ústinde ustady - bul joly ol «Folksvagen-Transporter» shaǵyn avtobýsyn ashyp, ishinen magnıtola men antıradardy urlap aldy. Uryny ustaýdyń eki oqıǵasynda da oblystyq ІІD jedel basqarma ortalyǵynyń tehnıkalyq quraldary, sonyń ishinde oblys ortalyǵynyń aýmaǵynda beınebaqylaý júıesi jumyldyrylǵanyn atap ótý kerek.
Oblystyq ІІD-niń baspasóz qyzmetinen atap ótkendeı, jaýap alý kezinde ustalǵan er adam Aqtóbe qalasynyń aýmaǵynda osyǵan uqsas tórt qylmysty jasaǵanyn moıyndady.
