Aqtóbede kólikten aqsha urlaǵandar ustaldy
AQTÓBE. QazAqparat -Aqtóbede balabaqsha mańyna kelip, asyqqan ata-analardyń kóligin tonaǵan kúdiktiler ustaldy. Jedel izdestirý kezinde eki kúdikti qolǵa tústi, dep habarlaıdy QazAqparat tilshisi.
Aqtóbede balabaqsha mańyn torýyldatqan kúdiktiler mol oljaǵa kenelgen. Olar bir mezette uıaly telefon, noýtbýkty alyp ketti. Aǵaıyndylardyń qylmystyq isi jedel ashyldy.
«Aqtóbe qalasynyń 12 yqsham aýdanyndaǵy balabaqsha mańynda urlyq jasaǵandar ustaldy. Olar kólik ishinen aqsha, telefon, noýtbýk alyp ketken. Qazirgi kezde basqa da qylmysqa qatysy bar, joǵy anyqtalyp jatyr. Qylmystyq kodekstiń «Urlyq» baby boıynsha is qozǵalyp, tergeý júrip jatyr. Olar eshqaıda ketpeý týraly qolhatpen jiberildi. Urlanǵan zattar tárkilendi»,- dep habarlady oblystyq ІІD baspasóz qyzmeti.
