Aqtóbede kólikte uıyqtap qalǵan polıtseıler jumystan shyǵaryldy - VIDEO
AQTÓBE. QazAqparat - Aqtóbede túngi kezekshilikten keıin kólikte uıyqtap qalǵan jol-patrýl polıtsııasynyń eki qyzmetkeri qyzmetinen bosatyldy, dep habarlady oblystyq ІІD baspasóz qyzmetinen. Uıyqtap jatqan polıtseılerdi vıdeoǵa túsirip, keıin ony avtor áleýmettik jelige ornalastyrǵan.
Tártip saqshylaryn vıdeoǵa qyzmet formasymen, galstýksyz, aıaq kımderin sheshken qalpy qyzmettik kóliktiń artqy oryndyqtarynda esikti aıqara ashyp uıyqtap jatqan kezde túsirgen. Vıdeoǵa túsirgen belgisiz avtordyń olardy oıatý áreketi nátıjesiz boldy.
ІІD basshylyǵy birden bul polıtseılerdiń kim ekenin anyqtaýǵa kiristi. Tekseris nátıjesinde uıyqtap jatqandardyń kim ekeni anyqtaldy. Olar bul áreketterin 4 qyrkúıekte túngi saǵat 00.00 bastap tańǵy saǵat 08.00 deıin qoǵamdyq tártip pen jol qaýipsizdigin qamtamasyz etý boıynsha qyzmet atqarǵandyǵymen baılanystyryp, túsindirdi. Saǵat 08.30 shamasynda avtojýý ortalyǵynyń ashylýyn kútip otyryp, kóliktiń artqy oryndyqtarynda uıyqtap qalyp, kúndizgi 11-ler shamasynda oıanǵan.
«QR ІІB qyzmetkerleriniń ar-namys kodeksi» talaptaryn buzǵany úshin polıtseıdiń ekeýi de qyzmetinen bosatyldy. Jumystan ketkenderdiń komandırleri de jazalandy.
