Aqtóbede kólik sýǵa batyp, 3 adam kóz jumdy
AQTÓBE. QazAqparat - Aqtóbe sý qoımasynda úsh adam sýǵa ketti, onyń bireýi úsh jasar bala dep habarlaıdy QazAqparat tilshisi.
«27 maýsym kúni saǵat 5:48-de Kia avtokóligimen birge úsh adamnyń sýǵa ketkeni týraly aqparat kelip tústi. Qutqarýshylar eki adamnyń denesin sýdan alyp shyqty. Onyń bireýi úsh jastaǵy bala men 56 jastaǵy er adam. 35 jastaǵy úshinshi adamnyń denesin súńgýirler izdep jatyr. Boljam boıynsha kólik sý jaǵasynda turyp, abaısyzda qozǵalyp ketken. Іshinde úsh eresek, bir bala bolǵan. Kishkentaı balany ákesi qutqaryp, anasyna bergen. Abdyraǵan anasy sýda tura bergen. Er adam ózgelerdi qutqarýǵa sýǵa kirip, qaıta shyqqanda anasynyń qolynda bala bolmaǵan», - dedi Aqtóbe qalalyq tótenshe jaǵdaılar basqarmasynyń ókili Qaırat Dármenov.
Aıta keteıik, jyl basynan beri Aqtóbede bes adam sýǵa ketip, qaza boldy.
