Aqtóbede kólik rýline ıe bola almaı qalǵan áıel aýrýhanaǵa tústi
AQTÓBE. QazAqparat - Aqtóbede 42 jastaǵy áıel rýlge ıe bola almaı, kólik aýdarylyp qaldy. Júrgizýshi aýrýhanaǵa tústi, dep habarlaıdy QazAqparat tilshisi.
Oqıǵa 6 qarasha kúni saǵat 09:20 shamasynda «Aqtóbe-Bolgarka-Shubarqudyq» avtojolynda bolǵan.
«Mitsubishi Lancer» avtokóliginiń 42 jastaǵy júrgizýshisi Aqtóbe qalasynan Shubarqudyq kentine baǵyt alǵan.
«Alǵa aýdany Qaraqobda kentiniń janynda rýldi basqara almaı, sol jaqqa qaraı aýdarylǵan. Jol-kólik oqıǵasy saldarynan júrgizýshi áıel Aqtóbe qalasynyń jedel medıtsınalyq kómek kórsetý aýrýhanaǵa jatqyzyldy. Polıtsııa departamenti jol erejelerin saqtaý kerektigin eskertedi»,- dedi oblystyq PD baspasóz qyzmetiniń jetekshisi Erbolat Sarqulov.
