Aqtóbede kólik órtinen aman qalǵan 7 jasar balanyń jaǵdaıy qalaı
AQTÓBE. QazAqparat – Aqtóbede kóliktegi órt kezinde aman qalǵan 7 jasar bala qazir jansaqtaý bóliminde jatyr. Onyń denesin kúıik shalǵan, dep habarlaıdy QazAqparat tilshisi.
«2014 jyly týǵan bala qazir Áıteke bı aýdandyq aýrýhanasynda jatyr. Naýqastyń jaǵdaıy aýyr. Tórtinshi dárejeli kúıik shalǵan. Aýdandyq aýrýhana dárigerleri barlyq kómekti kórsetip jatyr. Anestezıolog-reanımatolog, kombýstıolog medıtsınalyq avıatsııamen aýdanǵa ketti. Balanyń jaǵdaıy turaqty bolǵan kezde oblystyq medıtsına ortalyǵynyń balalar statsıonaryna ákelemiz», - dedi oblystyq densaýlyq saqtaý basqarmasy basshysynyń orynbasary Aıgúl Kúshtaeva.
Buǵan deıin habarlaǵanymyzdaı, Aqtóbeniń Áıteke bı aýdany, Eńbektý aýylynda kólik órtenip, 3 jasar bala janyp ketti.
Eki bala úıdiń aýlasynda turǵan «Vaz 2106» markaly avtokóliginiń salonynda oınaǵan.
Belgisiz sebeptermen avtokólik órtenip, 7 jasar bala shyǵyp úlgerdi.
