Aqtóbede kólik qaqqan zeınetker oqıǵa ornynda kóz jumdy

AQTÓBE. QazAqparat – Aqtóbede zeınetkerdi kólik qaǵyp, mert boldy. Jol-kólik oqıǵasynan keıin júrgizýshi qamaýǵa alyndy, dep habarlaıdy QazAqparat tilshisi.

«Hyundai Elantra» markaly avtokóliginiń 26 jastaǵy júrgizýshisi Aqtóbe qalasyndaǵy B. Momyshuly dańǵylymen kele jatyp, joldy kesip ótpek bolǵan 68 jastaǵy jaıaý júrginshini qaǵyp ketken. Jol-kólik oqıǵasynan jaıaý júrginshi oqıǵa ornynda qaıtys boldy.

«Avtokólik arnaıy turaqqa qoıyldy. Qylmystyq kodekstiń «Jol qozǵalysy erejesin buzý» baby boıynsha tergeý júrip jatyr. Júrgizýshi ýaqytsha ustaý ızolıatoryna qamaldy», - dedi oblystyq PD baspasóz qyzmetiniń jetekshisi Erbolat Sarqulov.

Eske salsaq, Aqtóbe oblysynda jeńil kólik qaǵyp ketken 50 jastaǵy velosıpedshi oqıǵa ornynda kóz jumdy. Oqıǵa Temir aýdanyna qarasty Aqtóbe - Astrahan avtojolynyń 175-shaqyrymynda boldy.