Aqtóbede kólik qaǵyp ketken jaıaý júrginshi kóz jumdy
AQTÓBE. QazAqparat – Aqtóbede jaıaý júrginshini kólik qaǵyp, 54 jastaǵy adam oqıǵa ornynda kóz jumdy, dep habarlaıdy QazAqparat tilshisi.
Oqıǵa Aqtóbe oblysy Alǵa qalasynda boldy.
«VAZ 21122» markaly avtokóliginiń 21 jastaǵy júrgizýshisi Jangeldın kóshesimen júrip kele jatyp, Shalqar qalasynyń 54 jastaǵy turǵynyn qaǵyp ketti.
Saldarynan jaıaý júrginshi oqıǵa ornynda kóz jumdy.
«Tekserý kezinde júrgizýshiniń mas kúıinde rýlge otyrǵany belgili boldy. Atalǵan fakti boıynsha qylmystyq is qozǵalyp, sotqa deıingi tergeý júrip jatyr. Osy baptyń sanktsııasy belgili bir laýazymdy atqarý nemese belgili bir qyzmetpen aınalysý quqyǵynan on jyl merzimge aıyra otyryp, jeti jylǵa deıingi merzimge bas bostandyǵyn shekteýdi ne sol merzimge bas bostandyǵynan aıyrýdy kózdeıdi», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, bıyl 8 aıda júrgizýshilerdiń kinásinen 357 jol-kólik oqıǵasy tirkelgen.
Jol apaty saldarynan 67 adam qaza taýyp, 482 adam jaraqat aldy.
