Aqtóbede kólik ishinde janyp ketken úsh balanyń ákesi aýrýhanada kóz jumdy
AQTÓBE. QazAqparat – Aqtóbede jeńil kólik júk kóligine soqtyǵysyp, úsh bala tirideı janyp ketti. Aýrýhanaǵa túsken ákesi de jan tapsyrdy, dep habarlaıdy QazAqparat tilshisi.
Aqtóbe qalasynyń Ońtústik aınalma jolynda jan túrshigerlik jol apaty bolyp, kólik ishinde úsh bala tirideı janyp ketti. Sol kezde kólik rólinde bolǵan úsh balanyń ákesi terezeden túsip qalyp, aýrýhanaǵa jetkizilgen.
«19 aqpan kúni jedel járdem brıgadasy er adamdy ákeldi. 45 jastaǵy adamnyń jaǵdaıy óte aýyr bolyp, birden jansaqtaý bólimine jatqyzyldy. Barlyq medıtsınalyq kómek kórsetilgenimen, jaraqaty aýyr edi. Ol jansaqtaý bóliminde kóz jumdy», - dep habarlady oblystyq jedel járdem aýrýhanasy bas dárigeriniń orynbasary Nurgúl Tólepqyzy.
