Aqtóbede kólik ishinde úsh jasar balanyń janyp ketýi: Ekinshi bala da kóz jumdy
AQTÓBE. QazAqparat – Aqtóbede kólik órtenip, 3 jasar bala janyp ketti. Kóp uzamaı 7 jastaǵy bala da kóz jumdy, dep habarlaıdy QazAqparat tilshisi.
«2014 jyly týǵan bala denesiniń 80 paıyzyn kúıik shalyp, Áıteke bı aýdandyq aýrýhanasyna jetkizilgen. Jansaqtaý bóliminde em júrgizildi. Medıtsınalyq avıatsııamen barǵan mamandar da kómek kórsetti. Ókinishke qaraı, em nátıjesi bolmaı, bala keshe túngi 12-de kóz jumdy. Onyń tynys alý joldaryn kúıik shalǵan», - dedi oblystyq densaýlyq saqtaý basqarmasy basshysynyń orynbasary Aıgúl Kúshtaeva.
Eske salsaq, keshe Áıteke bı aýdany, Eńbek tý aýylynda eki bala úıdiń aýlasynda turǵan «Vaz 2106» markaly avtokóliginiń salonynda oınaǵan. Belgisiz sebeptermen avtokólik órtenip, 7 jasar bala shyǵyp úlgerdi. Al 3 jasar bala órtenip ketti.
Oblystyq tótenshe jaǵdaılar departamenti baspasóz qyzmetiniń habarlaýynsha, jyl basynan beri 63 kólik janyp ketti. Onyń 15-i júk, 44-i jeńil kólik bolsa, bireýi avtobýs, bireýi temirjolda.
