Aqtóbede kólik aıaldamada turǵan eki áıel men balany qaǵyp ketti
AQTÓBE. QazAqparat – Aqtóbede jol-kólik apaty bolyp, aıaldama turǵan adamdar zardap shekti, dep habarlaıdy QazAqparat tilshisi.
Oqıǵa Aqtóbe qalasynda boldy. Jeńil kóliktiń 23 jastaǵy júrgizýshisi Eset batyr kóshesi boıymen kele jatyp, ózge kólikke jol bermedi. Saldarynan «Mitsubishi Pajero» kóligimen soqtyǵysty.
«Eki kólik soqtyǵysqan kezde «Mitsubishi Pajero» avtokóligi qozǵalys baǵytyn ózgertip, aıaldamada turǵan 2 áıel men balany qaǵyp ketti. Zardap shekken jaıaý júrginshiler aýrýhanaǵa jatqyzyldy», - dep habarlady oblystyq PD baspasóz qyzmetiniń jetekshisi Erbolat Sarqulov.
Aıta keteıik, óńirde jol-kólik apaty jıiledi. Ótken jumada kólik aýdarylyp, bir adam kóz jumdy.
