Aqtóbede kólik aýdarylyp, qyz kóz jumdy
AQTÓBE. QazAqparat – Aqtóbede jol apaty bolyp, 24 jastaǵy qyz aýrýhanada kóz jumdy, dep habarlaıdy QazAqparat tilshisi.
Aqtóbe-Bolgarka-Shubarqudyq tasjolynda «Opel Zafira» avtokóliginiń 25 jastaǵy júrgizýshisi rýlge ıe bola almaı, aýdaryldy.
«Jol-kólik oqıǵasy saldarynan 24 jastaǵy boıjetken aýyr jaraqat alyp, aýdandyq aýrýhanaǵa jatqyzyldy. Biraq dárigerler jolaýshynyń ómirin saqtap qala almady. Osy oqıǵa boıynsha Qylmystyq kodekstiń «Jol qozǵalysy erejesin buzý» babymen is qozǵaldy», - dep habarlady oblystyq PD baspasóz qyzmetiniń jetekshisi Erbolat Sarqulov.
Aıta keteıik, buǵan deıin Samara-Shymkent tasjolynda kólik aýdarylyp, jolaýshy men júrgizýshi kóz jumdy.
