Aqtóbede kólik aýdarylyp, bir jolaýshy kóz jumdy
AQTÓBE. QazAqparat – Aqtóbede 27 jastaǵy júrgizýshi rýlge ıe bola almaı, kólik aýdarylyp ketken. Janyndaǵy jolaýshy aýrýhanaǵa kóz jumdy, dep habarlaıdy QazAqparat tilshisi.
Aqtóbedegi «Pokrovka-Jańajol» baǵytyndaǵy jolda 27 jastaǵy júrgizýshisi rýlge ıe bola almaı, kólik aýdarylǵan. Saldarynan júrgizýshi men 28 jastaǵy jolaýshy túrli jaraqatpen Muǵaljar aýdandyq ortalyq aýrýhanasyna jetkizildi. Jolaýshy alǵan jaraqatynan kelesi kúni kóz jumdy. Saraptama qorytyndysy kezinde júrgizýshiniń ortasha mas kúıinde rýlge otyrǵany belgili boldy. Qazir Qylmystyq kodekstiń 345-1-baby 3-bóligi boıynsha tergeý amaldary júrgizilip jatyr. Júrgizýshi ýaqytsha ustaý ızolıatoryna qamaýǵa alyndy.
«Apta saıyn mas júrgizýshi, ereje buzǵandardy anyqtaý úshin túngi reıdter ótkiziledi. Demalys jáne mereke kúnderi patrýldik polıtsııa kúsheıtilgen tártipte qyzmet atqarady. Jyl basynan beri oblysta mas kúıinde kólik júrgizip, jol-kólik oqıǵasyna tap bolǵan eki derek tirkeldi. Sonymen birge buryn júrgizýshi kýáliginen aıyrylǵan 37 júrgizýshi ustaldy», - dedi Aqtóbe oblystyq PD bastyǵy Atyǵaı Arystanov.
