Aqtóbede kólik apatynan úsh bala zardap shekti
AQTÓBE. QazAqparat - Aqtóbede jeńil kóliktiń rólinde otyrǵan áıel jol erejesin buzyp, qoǵamdyq kólikpen soqtyǵysty. Jeńil kólik ishindegi balalar men júrgizýshi aýrýhanaǵa tústi, dep habarlaıdy QazAqparat tilshisi.
Aqtóbe qalasyndaǵy Internatsıonalnaıa jáne Shernııaz kóshesiniń qıylysynda jeńil kólik pen №14 baǵyttaǵy avtobýs soqtyǵysyp qaldy. Kóptiń kóz aldynda bolǵan oqıǵa kýágerleriniń aıtýynsha, qala turǵyndary jedel járdem kóligi kelgenshe balalarǵa kómek berip, 1 jastaǵy sábıge qamqor bolǵan.
«Lada-21902» markaly jeńil kóliginiń 35 jastaǵy ıesi jol erejesin buzyp, avtobýspen soqtyǵysyp qaldy. Jol oqıǵasy kezinde kámelet jasqa tolmaǵan úsh bala zardap shekti. Túrli dene jaraqatyn alǵan balalar oblystyq aýrýhanaǵa jetkizildi. Al júrgizýshi jedel járdem aýrýhanasyna jatqyzyldy. Qazir osy oqıǵaǵa baılanysty Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha is qozǵaldy. Sot aldy tergeý bastaldy»,- dep habarlaıdy oblystyq ІІD baspasóz qyzmeti.
