Aqtóbede kólik apatynan 2 adam kóz jumdy
AQTÓBE. QazAqparat – «Aqtóbe-Astrahan» tasjolynda jol apaty boldy. Apat saldarynan júrgizýshi men jolaýshy kóz jumdy, dep habarlaıdy QazAqparat tilshisi.
«Largýs» pen «Nıssan» markaly avtokólik soqtyǵysty. Jol-kólik oqıǵasy saldarynan «Largýs» avtokóliginiń júrgizýshisi men jolaýshysy oqıǵa ornynda qaza tapty.
«Nıssan» kóliginiń júrgizýshisi men «Largýstyń» eki jolaýshysy aýrýhanaǵa jetkizildi. Jol-kólik oqıǵasy boıynsha sotqa deıingi tergeý bastaldy. Oblystyq polıtsııa departamenti jol qozǵalysy erejesin saqtaýǵa, jolda abaı bolýǵa, araqashyqtyqty saqtaýǵa shaqyrady»,- dedi oblystyq PD baspasóz qyzmetiniń jetekshisi Erbolat Sarqulov.
