Aqtóbede kóligimen sýǵa batyp ketken júrgizýshi qaza boldy
«ZAZ-Shans» avtokóliginiń 55 jastaǵy júrgizýshisi, Qýraıly kentiniń turǵyny Alǵa aýdanynda jaı jolmen júrip, rýldi basqara almaı qaldy. Saldarynan Qaraqobda ózenine aýdarylyp ketken. Kólik ishine sý tolyp, júrgizýshi qaza tapty«, - dep habarlady oblystyq PD baspasóz qyzmetiniń jetekshisi Erbolat Sarqulov.
Buǵan deıin habarlaǵanymyzdaı, Yrǵyz ózenine úsh bala sýǵa batyp ketti.
Aqtóbe oblystyq TJD baspasóz qyzmetiniń habarlaýynsha, 2017 jáne 2018 jyldary týǵan úsh bala úlkenderdiń nazarynan tys qalǵan. 4 jáne 5 jastaǵy qyz bala bir otbasynan bolsa, 4 jasar ul ekinshi otbasynyń balasy.
Eske salsaq, bıyl Aqtóbe ózenderindegi qaýipti 220 orynǵa arnaıy belgi ornatylady. Qutqarý jasaǵy bazasynda 88 qutqarýshy erikti oqytyldy. Olarǵa arnaıy sertıfıkat berildi. Olar jaz boıy ózen jaǵasynda qaýipsizdikti qadaǵalaıdy. Sonymen birge jyl saıyn oblystyq dene shynyqtyrý jáne sport basqarmasymen birlesip balalardy júzýge úıretý, qutqarý tásilderine mashyqtandyrý qolǵa alynǵan. Barlyǵy 20 basseınde 1200 bala sýda júzýdi meńgerdi.