Aqtóbede kóligimen drıft jasaǵan júrgizýshilerge aıyppul salyndy
AQTÓBE. KAZINFORM – Qalanyń bas dańǵylynda drıft jasaǵan júrgizýshige 4 ákimshilik hattama toltyryldy. Taǵy bir júrgizýshi toı kortejinde júrip, qaýipti manevr jasaǵany úshin jazalandy.
Aqtóbe qalasyndaǵy Óner ortalyǵy aldynda drıft jasaǵan júrgizýshi buǵan deıin de jyldamdyqty asyryp, 9 aıyppul arqalaǵan. Soǵan qaramastan taǵy da zań buzyp, oǵan 4 hattama toltyryldy.
- BMW avtokóliginiń júrgizýshisi jyldamdyqty asyrǵany úshin salynǵan 9 aıyppuldy tólemegen. Avtokólik arnaıy aıyp turaǵyna qoıyldy. Sonymen birge úılený toıy kortejinde Chery Tiggo avtokóliginiń júrgizýshi qaýipti manevr jasaǵan, jolaýshylar kóliktiń terezesinen shyǵyp turǵan. Júrgizýshige qatysty 3 ákimshilik hattama, al jolaýshylarǵa qatysty 2 ákimshilik hattama toltyryldy. Avtokólik arnaıy aıyp turaǵyna qoıyldy,- dep habarlady Aqtóbe oblystyq polıtsııa departamentiniń baspasóz qyzmeti.
Buǵan deıin habarlaǵanymyzdaı, polıtsııanyń áleýmettik jelige júrgizgen monıtorıngi nátıjesinde Túrkistandaǵy kóshelerdiń birinde BMW avtokóliginiń júrgizýshisiniń jol qozǵalysy erejelerin óreskel buzyp, drıft jasaǵany anyqtaldy.
