Aqtóbede qoqys polıgony janyp, qalany kók tútin basty

AQTÓBE. QazAqparat - Aqtóbe qalasynda polıgon janyp, qazir byqsyp jatyr. Qalany kók tútin basty, dep habarlaıdy QazAqparat tilshisi.

Aqtóbelikter qalany kók tútin basyp, tunshyǵa bastady.

Qazirgi kezde qalanyń birneshe shaǵyn aýdanynda ys ıisi qatty shyǵyp tur. Oblystyq TJD baspasóz qyzmetiniń habarlaýynsha, qoqys polıgony kesheden bastap janǵan.
«Aqtóbe qalasy Astana aýdany qalalyq qoqys polıgonynda qoqystyń byqsyp janýy tirkeldi. Shaqyrtý ornyna TJD jáne «Tabys Aqtóbe» JShS-nen 23 adam men 12 birlik tehnıka jumyldyryldy. Qazirgi tańda byqsyp jatqan qoqystyń betin topyraqpen jaýyp, sóndirý jumystary júrgizilip jatyr. Keshe órt bastalyp, sóndirilgen. Búgin qaıta tutandy»,- dep habarlady oblystyq TJD baspasóz qyzmeti.
Aqtóbe oblystyq ekologııa departamentiniń ınspektorlary polıgonǵa baryp, aýany lastaýshy zattardy arnaıy qurylǵymen ólshedi. Onyń mólsherin áli habarlamady.
Eske salsaq, byltyr da Aqtóbe qalasyn kók tútin basty. Aýmaǵy 60 ga bolatyn polıgon tolyp, jańasy sonyń dál janynan salyna bastady.